88 強化

殘黨的動力裝甲戰士部隊捕獲了貓頭鷹的一個女成員，心想貓頭鷹絕對不會派人營救，便肆無忌憚地對她嚴刑迫供，希望敲出她所知道的情報和她收集物資的地點．．．豈料，卻突然遇上襲擊！

「屌．．．唔通係貓頭鷹！？」隊長萬般震驚

「宜家點算呀隊長？？」動力裝甲戰士焦急問道

「屌！過去條女度！挾持佢做人質！」隊長無計可施唯有出此下策

說著，他馬上冒險向著那個貓頭鷹女成員的位置跑回去．．．然而，這時他才發現貓頭鷹女成員已經消失了！取而代之的，更是一顆被黏貼在牆壁上的計時炸彈！！

「屌！！！」隊長立刻舉手擋格

果然，計時炸彈隨即爆炸！雖然在動力裝甲的保護下，隊長得以保住性命，但是爆炸的衝力仍然大得把他給吹飛開去，更在牆壁和地面上炸出一個大洞來！看來這個並非一般的計時炸彈，若非穿著動力裝甲，隊長可能已經屍無全屍，化成塵埃．．．

「屌．．．」隊長狼狽地爬起來

這時，濃濃的煙霧漸漸散去，隊長才發現自己十數人的小隊，短短數分鐘時間，已經只剩下數人．．．而且更被數十個載上了防毒面罩、手持各式武器的人包圍．．．

「貓．．．貓頭鷹！？」隊長認出了這幫人的身份

然後其中一個手執長劍的貓頭鷹走上前脫下防毒面罩說：「無錯，就係我地貓頭鷹。」說話的，原來便是康師傅！

「屌．．．你地唔怕．．．得罪我地政府軍咩！？」男人唬嚇說

「以前有少少擔心．．．」康師傅說著，便手起刀落，以肉眼看不到的速度向隊長揮劍，他的頭盔隨即一分為二，破開掉在地上．．．康師傅續說：「不過宜家無啦。」

「屌．．．屌！！」隊長和他的手下嚇得馬上舉槍指著康師傅

康師傅卻鬆容不迫：「而且．．．」說著，他向前用力一蹬，以一個迅雷不及掩耳的速度踏出箭步揮劍．．．「我唔會再比人睇少我地貓頭鷹。」說畢，他把長劍收回劍鞘，同時，那數個殘黨的動力裝甲戰士和隊長，都與隊長的盔同一命運．．．被一分為二．．．

「屌．．．．．．」隊長一臉驚訝倒地

事件隨著康師傅的驚人戰鬥技巧完結，雪絨的性命也得以保住。

「多謝你地啦．．．」爆爆子感激流涕說

「唔好客氣。」流主說：「而且，妳應該多謝鎖匙萱先啱，係佢堅持無論如何都要救妳姐姐。」

「傻傻啦．．．唔使多謝我．．．．．．見到妳同雪絨姐姐無事，我就開心。」鎖匙萱微笑說

孖根淺笑著，用手溫柔地輕撫了一下鎖匙萱的腦袋。

然而，可惜的是康師傅並未答應在戰爭中作出戰鬥支援，他僅答應為流主所站的一方提供情報，更強調戰爭完結後，不論勝負，貓頭鷹都不會加盟任何一方。

算是功成身退的流主他們在戰區外會合正勢力的成員，便立即帶著好消息回到金鐘總部。

．．．．．．．．．

「流主！」正先生欣喜地歡迎說：「你地終於凱旋歸來啦！嚟嚟嚟，咩都唔好講住，我地先暢飲一杯！」說著，正先生從會議室的酒櫃拿出了一瓶威士忌，並端上了數隻玻璃杯子

「正先生你太客氣啦．．．我唔係咁好飲酒，我地都係傾返正經嘢先啦．．．」流主婉拒說

可是，孖根卻毫不客氣，搶去了酒瓶便猛地把威士忌灌進肚子去．．．

「哈哈哈，果然係女中豪傑，名不虛傳。」正先生笑說

「呼．．．」孖根一臉難得的滿足表情說：「流主，難得機會就好好休息下啦。」

「無錯，休息係為左行更遠嘅路。」正先生說

「咁．．．好啦。」流主略感不好意思

於是，流主他們接受了正先生的款待，暫時把戰爭的事拋諸腦後，放鬆心情痛飲了一番．．．．．．

數小時後．．．

「唉．．．」流主無奈說：「依個鎖匙萱．．．唔飲得又學人飲．．．宜家同孖根一樣醉到不省人事．．．」

阿寶汗顏說：「孖根都好嘢．．．雖然聽講過酒精好難對食屍鬼起到作用．．．但係真係無諗過誇張成咁．．．」

「七支威士忌．．．五支紅酒．．．九支伏特加．．．．．．真係嚇死人．．．」流主佩服說

「不過你都唔差呀，又話唔好飲酒嘅？」阿寶問

「我？啊，我只係唔鍾意飲酒啫。」流主說：「你都好飲得呀。」

阿寶苦笑說：「咁依樣真係要多謝返Bitch Kingdom啦．．．」

流主和阿寶兩人一邊談天，一邊在金鐘總部四處閒逛．．．

「講開又講，豆去左邊呀？正先生走左無耐佢就唔見左人．．．」阿寶說

「可能頂唔順返左去訓掛？」流主猜說

「佢係超級變種人嚟喎．．．」阿寶說

流主笑說：「豆又點同一般嘅超級變種人呢。」

阿寶不禁點頭認同：「嗯．．．咁又係。」

然後過了片刻，阿寶續問：「．．．．．．你真係唔係黃金小子？」

流主愣了一下，點頭說：「嗯．．．對唔住．．．」

「究竟200年前發生左咩事．．．？」阿寶問

「．．．當時我仲有我阿哥流尚，都係政府派去黃金力量嘅間諜．．．．．．」流主把200年前發生的事全都如實告訴阿寶．．．

「所以．．．你希望用伊甸園創造器嚟彌補一切嘅錯．．．．．．我諗我明啦。」阿寶說

「對唔住．．．我無第一時間講返個真相出嚟．．．」流主道歉說

「點都好啦．．．最重要係你宜家係真係想幫香港廢土。」阿寶說：「遺憾你阿哥已經唔喺度．．．你一定好傷心．．．」

「．．．其實都已經無乜嘢啦，始終都過左「咁多年」啦．．．」流主苦笑說

這時，他們閒逛到實驗室外，發現竟然有人在如此深夜時分仍然在工作。

「唔？咁夜仲有人喺實驗室做嘢嘅？」阿寶好奇

他們推門進去一探究竟，豈料卻赫見豆被牢牢鎖在一張十字形的實驗台上，旁邊更圍著數個科學家．．．還有正先生！

「豆！？正先生！？」阿寶大感不惑

流主緊張問道：「發生咩事呀？？做咩鎖住豆呀？？」

豆看到流主和阿寶便呼喊起來：「流主！阿寶！救我呀！！」他嘗試掙扎，但全身都卻使不上力

「你地冷靜啲聽我講先．．．」正先生立刻解釋說：「我做嘅一切，都係為左大局。」

「大局？？」阿寶不解

「你地究竟想對豆做乜嘢！？」流主追問

正先生說：「我地只係想稍為強化依位超級變種人朋友，等佢喺嚟緊嘅戰爭中大展拳腳啫。」

阿寶疑問：「強化？．．．點樣強化呀？？」

「我地分析左超級變種人嘅基因同巨獸嘅基因，比較左佢地嘅數據，研製左一隻可以強制令超級變種人再次變種嘅強化劑。只要好好運用，嚟緊嘅戰爭，我地一定可以輕鬆獲得勝利。」正先生微笑說

流主斬釘截鐵問：「你想將豆變成巨獸？？」