負傷的流主他們一伙深入了MR的大本營，遇上了不少致命陷阱和強敵，一時間都陷入了苦況．．．四眼更為了救鷹而身受重傷！
「四眼！！」流主和孖根擔心地走上前
「咳咳．．．我仲未死得住．．．」四眼面色蒼白，狼狽地爬起來
「四眼．．．．．．」鷹一時語塞，只能扶著四眼，讓流主和孖根替他注射治療針和包紮
此時，一把男人的聲音傳來：「好嘢。」
眾人立即抬頭向聲音的來源看過去，只見數個穿著動力裝甲的MR緩緩步入工場．．．
「我仲諗住計中計可以一鳩搞掂晒你地，點知就比依個四眼仔搞撚禍晒。」站在中間，裝甲明顯與別不同的MR說
流主問：「你就係MR嘅首領？」
「無錯。」雖然看不到他的表情，但從他的舉止和語氣，也能感受到他目中無人的囂張氣焰：「我叫大傻，係MR嘅話事人。」
流主瞪著他問：「伊甸園創造器喺邊？」
「我以為你地係嚟打架，原來係嚟問問題．．．」大傻笑說
「你答左我之後我就會殺你。」流主說
「哈哈哈．．．就憑你幾件得返半條命嘅蛋散？啊！我知啦，你地係想笑撚死我！哈哈哈．．．」大傻嘲笑著續說：「不過最撚好笑係你地全部都唔知頭唔知路就追到嚟依度，仲要條四眼仔自己都係政府軍。」
流主聞言，大感不惑：「．．．都係政府軍？．．．你想講啲咩？」
大傻說：「費事你地死得不明不白，我就做下好心話你地知．．．個伊甸園創造器，一早已經比左政府軍。」
重傷的四眼頓感詫異，他忍耐著痛楚問：「比左政府軍？．．．點解．．．？關政府軍咩事．．．？」
「嘿．．．」大傻不禁竊笑：「你條四眼仔原來乜都唔知．．．咁都好，至少証明你唔係內鬼。」
流主追問：「你到底講緊咩？」
「伊甸園創造器係政府軍叫我地搶嘅，佢地比得起錢，我地咪做嘢。」大傻說
連與政府軍敵對的鷹也感意外：「你意思係佢地僱用你地！？」
大傻擺擺食指說：「又唔算僱用，我地本來就一直合作開。」
四眼嚇得雙眼睜大：「合作！？．．．政府軍同MR．．．！？」
「你又唔使咁大打擊嘅，因為嚴格嚟講，同我地合作嘅唔係政府軍，係殘黨。」大傻說
「殘黨．．．？」流主雖然已經恢復了記憶，但卻對這個名字毫無印象
孖根說：「殘黨你未必聽過，但係佢嘅前身你一定聽過．．．」孖根吞了吞口水說：「殘黨就係200年前，喺「大戰」入面同中國一齊滅亡嘅共產黨餘黨同佢地嘅後人．．．」
「共產黨．．．」流主大感意外，因為他比誰都熟悉這個名字
孖根續說：「我一直都以為殘黨只係一個傳說．．．無諗過真係存在．．．」
鷹問：「咁同政府軍有咩關係？？」
「咁妳都唔明？」大傻略感無奈說：「政府軍嘅首領同部份骨幹成員都係殘黨成員，即係話，政府軍嘅真身，其實就係殘黨，不過前線嘅人全部都唔知，佢地只係知道自己係政府軍。」
四眼接著問：「所以．．．你地都有政府軍嘅．．．動力裝甲？」
「應該話，我地都有殘黨嘅動力裝甲。」大傻說
流主凝重問道：「．．．咁政府．．．殘黨要伊甸園創造器嚟做咩？」
大傻搖搖頭說：「咁依樣我就唔知啦，我所知嘅嘢都已經講晒你地知．．．」他說著，跟在他旁邊的數個動力裝甲MR突然舉起手上的自動步槍，大傻續說：「宜家你地可以死得眼閉啦。」
大傻說畢，戰鬥馬上一觸即發！那數個動力裝甲MR沒有半點留情，向著流主他們猛烈掃射！流主他們立即拉著四眼躲到現場一些金屬貨櫃後面．．．
「超．．．你地匿得去邊啫？」大傻說著，那些動力裝甲MR便向流主他們的方向衝過去
流主他們回頭反擊，但是，不論是鷹的狙擊槍、孖根的天使.50還是流主的電漿步槍，皆未能對動力裝甲MR造成大威脅的傷害．．．加上他們還要保護重傷的四眼和不能戰鬥的狗肉，此刻流主他們慘處下風，情況岌岌可危。
然而，就在動力裝甲MR步步進迫之時，一個剛好走到眾人面前的動力裝甲MR突然被左右一分為二！！流主他們都嚇了一跳，看著動力裝甲MR那被完美切口分開兩邊的屍體徐徐倒下．．．他們才看到動力裝甲MR身後的原來是．．．
「嘔．．．．．．」面色十分難看，曲著身子嘔吐的豆．．．
「豆！！」流主喜出望外
「唔好講咁多多啦，掩護我！」不知從哪裡竄出的鎖匙萱緊握小太刀星辰，高速地溜向另一個動力裝甲MR
「咩料呀！？」其他動力裝甲MR眼看同伴如此輕易被分成兩半，都嚇得手足無措，慌忙舉槍攻擊
豆見狀又再次咆哮：「唔準傷害佢呀！！！！」
豆以他那與龐大身型毫不相襯的速度箭步上前，使用能倍增拳力的加大碼動力拳套一擊轟向其中一個動力裝甲MR的頭顱，意想不到竟然一拳便把他的頭盔連同頭顱整個打飛！！
「屌．．．屌你老母！！！」餘下的其他動力裝甲MR都立即轉向攻擊豆
不過豆並沒有理會他們的炮火，他一邊狂吼一邊攻擊一邊嘔吐！！整個畫面都非常暴力血腥、恐怖駭人，同時亦十分噁心！所有人一時間都被豆的凌人霸氣所震懾！！
「食撚屎啦！！」一個手持鏈鋸的動力裝甲MR從後向豆偷襲
可是，在他攻擊的一瞬間，他的頭顱也同時被砍下了。
「你地唔記得左我呢！」握著小太刀星辰的鎖匙萱說
「仆街！依班撚樣痴線架！！」剩下的最後一個動力裝甲MR居然轉身逃跑
這時，一顆細小的2m m子彈以接近光速的速度貫穿了動力裝甲MR的頭顱，向鎖匙萱飛去！！而且子彈的速度快得根本沒有人反應得過來，除了豆。他一手把還不知道發生甚麼事的鎖匙萱推開，自己本來已受傷的腹部卻又再被貫穿了！！眾人呆眼看著動力裝甲MR倒下，才反應到豆也中槍了！！
「豆豆！！」鎖匙萱立即扶著豆躲回到金屬貨櫃後面，幸好他的傷並不太嚴重
鷹大感意外：「竟然有武器可以輕易貫穿動力裝甲同超級變種人！？」
「M72高斯步槍．．．」阿寶汗顏說
鎖匙萱疑惑：「M72高斯步槍？．．．未聽過嘅？」
就在他們討論之時，一顆子彈貫穿了他們用以掩護的金屬貨櫃，險些兒擊中他們！！他們嚇得立即伏在地上．．．
「哈哈哈！」大傻舉著M72高斯步槍笑說：「點呀？我有無打中呀？」
「不得了．．．」阿寶苦著臉說：「真係要諗下辦法喎．．．」
流主想了一下說：「．．．其實唔難．．．只要比鎖匙萱同豆埋到佢身就得啦。」
孖根說：「聽落唔錯。」
鎖匙萱吞了吞口水說：「．．．咁我信晒你地架啦！唔好失手手呀．．．」
「得啦煩！」阿寶不耐煩說
四眼大感疑惑：「咪住先．．．你地講緊咩？即係點．．．？」
鷹也一臉無奈：「係囉．．．講清楚好喎．．．」
孖根說：「簡單啲講，即係隨機應變。」
四眼和鷹愕然：「吓？？」
「大家準備好啦嗎？」流主深呼吸一口氣：「．．．好！衝！！」
鷹嚇著了：「喂！未準備好喎！！」
流主舉槍衝出去便馬上使用V.A.T.S.協助進攻，數個電光球高速向著大傻撲面飛去，不過大傻的反應和機動力卻意外地好，一個箭步便把大部份攻擊都閃避開去，僅餘的電光球即使命中了也只造成了微不足道的傷害。
相反，大傻的M72高斯步槍卻有著截然不同的威力。以十一個電磁圈替代傳統撞針式推動子彈的它，運用強勁磁力把子彈以僅低於光速的速度從槍管彈射出去，即使只能使用特製的細小2m m子彈，但是它的威力卻大得足以貫穿地球上大部份的物質！儘管流主已經使用了V.A.T.S.，但仍然看不到子彈飛行的軌跡！在他察覺到的時侯，左腹已經被貫穿了！
沒有留言:
張貼留言